مرسى ابن المعلم الزناتى مش ها يتهزم يا رجالة

ازيكوا  عاملين ايه 

يارب تكونوا بخير

تعالوا الاول ندعى لكل اللى فى امتحانات ولسة ما خلصش او الى خلص و مستنى النتيجة ان ربنا  يوفقهم جميعيا و ينجحوا ياااااااارب

اما بخصوص مرسى - النسخة الجديدة-  ابن المعلم الزاناتى فا احب انى اطمنكوا انه بخير و دا لانة عرف  اكتشف السر السادس  من خريطة الكنز

  

اللى هية العـــلاقـــات 

وهنا انا بقصد العلاقات فى العمل و اللى بتساعدنا على التطور و النمو

يقول غاندى: يجب ان يصبح الاعتماد المتبادل ناموسا لحياة الانسان تماما مثل الاعتماد على النفس فالانسان كائن اجتماعى


بمعنى انه على شان نطور من فرص نجاحنا لازم يكون لينا دايرة من المعارف و الدايرة بتساعدنى على انى اطور مهاراتى لاننا فيها بنتبادل الخبرات و المعارف  مع الاشخاص المحيطين بيه  فا منا اللى عنده الفكرة و منا اللى عنده التمويل و فى اكيد ناس محتاجة للفكرة دى انها تتنفذ 
بالتاكيد القر ن الحادى و العشرين هو قرن العلاقات العامة 

فالزمن اللى بنعيشة بيعتمد على تبادل الخبرات و المعارف و فكرة العمل بمفردك اصحبت صعبة خصوصا و ان كل يوم فى جديد 

وفى المرحلة دة وبعد ما بدائنا نقف على رجلينا و اكتشفنا انفسنا محتاجين نستعين بزميل و فريق عمل

ها تسالونى ايه اهمية ان يكون ليه علاقات و دايرة معارف 

ا لسبب بسيط 

كل مازاد عدد الاشخاص الذين يعرفونك و يفكرون بك على نحو ايجابى - ها اقولكوا على نحو ايجابى ازى كمان دقيقة خليكوا معايا- كل ما ذادات لفرص المتاحة امامك لبلوغ هدفك و كمان ها يزود فرص الحصول على عمل

وعلى شان تبنى قاعدة علاقات عمل  ناجحة لازم يكون عندك ما تقدمة للاخرين و دا المقصود بانك تكون  ايجابى 

بمعنى تانى انى  زى ما بدور على الناجحين و اصحاب  الهمم و التميزين 

لازم انا كمان اكون قد المسئولية و اشوف و ادور جوايا عن مميزاتى اللى اقدر اقدمها ليهم 

من مميزات شخصية داخلية و مميزات متعلقة بمهاراتك العملية 

على سبسيل المثال لو انت مصمم جرافيك خلى عندك ملف لافكارك و خبراتك السابقة ان وجدت

دور على الناس اللى بتشتغل فى مجالك و المجالات المرتبطة بمجال شغلك او هوايتك و الجديد فيه و حاول تتعرف عليهم ودا عن طريق حضور الندوات و  المنتديات و المعارض و ورش العمل

و بكدا تحقق هدفين ها يخليك ديما حريص على تنمية مهاراتك و يخلى عندك جديد بالاضافة اللى المعارف  اللى هيه هدفنا فى المرحلة دى من البحث عن الكنز

و ياريت و انت بتحضر يكون ليك -بزنس كارد- خاص بيك يعرف الناس عليك

وخلى  الاساس في تعاملاتك مع الاخرين على 

انك تكون و اضح   فالعلاقات الشغل غير الصداقة  و ان كان مع مرور الوقت فى منها ما يتحول لصدافة حقيقية جميلة

احرص على ان تكون دائرة معارفك من الناجحين المميزين

و تذكر ان القاعدة الاساسية لانجاح اى  تعاملات:  انى اعمال الناس زى ما احب انا اتعامل

و خلينا نبدا من  دلوقتى 

اشفكوا البوست الجاى