جـــــــــــــــــــنـــــــــــــازة

"الشخص الذى يحول بينك وبين النجاح قد مات"

دايما كنت بسال نفسى لية فى ناس ناجحين و ناس لأ و كان السؤال دايما اجابتة الحظ " يابنتى دول حظهم كدا"

دا همة اللى بيقولوا .

لكن انا عمرى ما اقتنعت و على شان ما حدش يفهمنى غلط انا مش قصدى القدر

لان طبعا ما حدش بيهرب من قدرة . لكن انا بتكلم بعيدا عن الاقدار ايه اللى بيخلى الناس ناجحين اكيد فى سبب

و الصراحة و كلام فى سركوا انا باعانى من موضوع الحظ ده _هششششششششششش- ما حدش يقول ده كلام فى سركوا،

المهم على شان ما طولش عليكو كنت بسمع التلفزيون-كالعادة ودى هوايتى المفضلة بعد القراءة و سمعت القصة دى

" دعا احد الاشخاص اصدقائة على جنازة الشخص المسؤل عن عدم نجاحة و عندما ذهبوا دعاهم لرؤية المتوفى

و اذا بهم عندما نظروا لمكان الجثة يجدون مرآة وذا كل منهم ينظر لنفسة" طبعا العبرة واضحة

لكن الموضوع كبر فى دماغى و قلت ما بدهاش ادور وراه الموضوع يمكن الاقى حل للنحس اللى ملازمنى

و لقيت فى طريقى للتخلص من الفشل الكتاب الشيق ده " ارسم مستقلبلك بنفسك " لبراين تريسى

قلت يلا زى بعضوا اشاركوا معايا و يمكن لما اناقشوا مع حد نوصل لكتب ومعارف اكتر او تاكيد على نجاح التطبيق.

الكتاب ببساطة بتكلم عن 12 خطوة للنجاح ها تلاقوها فى الخريطة الذهنية اللى رسمها د. منتصر- مشكور و الله يا اخى-.

الكتاب ببساطة و زى ما هو واضح من الخريطة بتكلم على ازاى ننجح و نحط خطواط للنجاح الاكيدة ان شاء الله لمستقبلنا،

على شان نعمل ده ها نمشى على القاعدة اللى بيقول عليها خبير الادارة بتر داركر

" أن الطريقة المثلى لان تتنبأ بالمستقبل هى أن تصنعه " فا تعالوا نصنع مستقبلنا الناجح فى 12 خطوة،

اكملهم معاكوا البوست الجاى