خريطة الكنز ... الطريق الى احلامى

فى البوست اللى فات اتكلمنا عن مقدمة الكتاب - ارسم مستقبلك بنفسك- و اتفقنا فيها أن الشخص الذى يحول بينك وبين النجاح قد مات - الله يرحمة-

و بعد مرور فترة الحداد وقفنا مع نفسنا على شان نعرف احنا فين و استخدمنا تحليل

SWOT

و عرفنا منه قدرتنا و العوامل المؤثرة على نجاحنا و كمان نقاط الضعف اللى أكيد ها نحاول نقومها و نتخلص منها

تعالوا دلوقتى نبدأ برحلة البحث عن الكنز ( دهب، ياقوت، مرجان...) احمدك يارب

و على شان نبدأ البحث لازم نعرف احنا بندور على ايه

و كما قال براين تريسى فى كتابة " يعد أسوأ استغلال للوقت و الحياه هو العمل بمشقة من أجل تسلق سلم النجاح إلى أن تكتشف فى نهايته أنه يأخذنا نحو الهدف غير المنشود"

متفقين ، ياريت أعرف انتوا حبين تحققوا ايه فى حياتكم و ايه اللى بتحاولوا توصلوا ليه

لنبدأ المهمة : البحث عن الكنز

الادوات:

البوصلة: الهدف الذى اريد الوصول اليه (النجاح فى حياتنا العملية كمثال)

الخريطة: اى خريطة بيكون عليها علامات تدلنا على الطريق ، و فى مثالنا هيى العوامل الاثنى عشر للنجاح

خطة العمل:

1- الاستعداد لخوض المغامرة و المجازفة لتحقيق احلامى

2- كتابة الهدف الخاص بى و رسم خطة العمل و بها المهارات التى احتاج اليها لاصل الى هدفى

3- البدء بتطبيق خطوات البحث عن الكنز فى حياتى اليومية

نقطة الانطلاق: قــــدراتــــك لا حــــدود لــهــا

فى الاسئلة اللى جاتلى سالنى نيو عن القدرات و ازاى نحافظ عليها

و على شان اجاوب تعالوا نعرفها الاول

القدرات : ببساطة هى مجموع المهارات skills و المعارف knowledge التى يملكها الشخص

و المهارة: هية كل ما يتعلق بما افعلة مثال انى اعرف اشغل الكمبيوتر ، او برنامج معين تدريت على استخدامة واو مهارة ادارة الاجتماعات

اما المعرفة: هى بببساطة المعلومات المطلوبة على شان اطور معاراتى زى المذارة على شان اكون افضل فى برنامج الكمبيوتر اللى عايز اتعلمه او كيفية ادارة الاجتماع

لقدراة اللى لدى اى فرد مممكن تتقسم لتقسيملات كتير منها القدرات العقلية و النفسية و الجسدية

لكن ممكن نقول انه بشكل عام نقدر نحافظ عليها بالاستخدام و التطوير

لكن هناك عائق ديما ورا اننا نطور من نفسنا عارفين هو ايه

الــعـــقل

ايوه بيفضل العقل هو العائق الاكبر امام الانسان انه يدرك قدراته على شان كدا لازم نغير النظارة اللى بنشوف بيها نفسنا ونحط و احدة بعدسة - صريحة- نشوف بيها نصين الكوباية الملاين و الفاضى

وكما قال شكسبير "إن ما يظهر الامر على هذا النحو أو ذاك هو الفكر لا أكثر"

يعنى لو أفكارك حزينة و شايف انك مش ها تقدر توصل للنجاح مش ها تقدر

لكن لو برمجنا عقلنا على انه بيملك القدرة على على انجاز اى شىء ترغب فيه رغبة حقيقة ها نوصل - عن تجربة- دا صحيح

فكروا مع نفسكوا اكيد فى موقف عدى عليك و كنت بتتمنى توصل لحاجة و وصلتها و حققتها

حاول تسترجع الموقف و تشوف عملت فيه ايه

الهدف من كدا انك تحقق شيئن مهمين

الاول : انك تتاكد انك قادر توصل لهدف انت اصريت عليه

الثانى: انك تعرف ازاى خططت و وصلت و استخدم دا فى الوصول لهدفك

لكن اهم حاجة فى الانطلاق انك تحط هدف يتناسب مع قدراتك اهداف صغيرة تكبر كل ما مهاراتى و قدراتى تزيد ، و اهم حاجة اخلى عقلى ينطلق على شان نبقى شايفين الطريق و يكون الوصول ممكن صعب لكن اكيد مش مستحيل لاننا شايفين الطريق قدمنا

اشوفكو البوسط الجاى و اتمنى انى اعرف الكنز اللى كل و احد بيدور عليه