شبيك لبيك... تطلب ايه؟

ياااااااااه الدنيا بدات تضلم اما الحق اروح ولا مش ها اعرف اشوف الطريق

وله ما اعرفش .....هية ها تفرق فى ايه؟؟
كله محصل بعضة
اوصل بدرى اوصل متاخر هية ها تفرق فى ايه ما كدا كدا ما فيش شغل وما فيش فلوس

اه ....لو يكون معايا مصباح علاء الدين ياااااااااااااااااه !!!!!!!!!!!!
انا كنت سويت الهوايل وعملت كل اللى نفسى فيه

شبيك لبيك تتطلب ايه؟؟؟

ها انت مين و عايز منى ايه؟

انا اللى ها احققلك كل الامنيات انا خادم مصباح علاء الدين ها تطلب ايه؟؟

و بما ان الطلبات عندى كتير و الزباين مستنين قررت امنحك طلب و احد بس

ها طلب و احد بس يعنى يوم ما يطلعلى العفريت اطلب طلب و احد بس

يلا بسرعة دى فرصتك و ما فيش وقت طلبك ايه؟

يلا بسرعة ايوه الفلوس عايز فلوس كتييررررررررر حققلى حلمى الفلوس

فلوس كتير قد ايه و باى علمة - بس نصيحة من عفريت صديق عليك باليورو سعرة على اليومين دول-
و الفلوس اللى انت عايزاها تكون عشرات و له ميات ؟؟؟

ها .... مش عارف

ها ها مش عارف لما تعرف ... ما اعتقدش انك ها تقابل العفريت تانى

طب لو فعلا عندك الفرصة انك تقابل العفريت فعلا و تحقق احلامك ها تطلب ايه؟؟؟

السؤال دة بينقلنا للجزء التانى من خريطة الكنز

المبدا الثانى : الوضوح

بأختصار لازم تعرف انت عايز ايه؟

كل و احد له حلة عايز يحققه حلم كبير لكن الحلم بيفضل حلم على شان مش بننقلة على ارض الواقع
و بيفضل مجرد حلم فى خيالنا

طب و الحل؟؟؟

ببساطة تعمل خطة

حلم و اكتب حلمك

خطط ازاى ها توصل للحلم

ابدا بالتنفيذ

ولا تستلم

بس على شان تكون متاكدة انك فى الاتجاه الصح

لازم الخطة بتاعتك تكون و اضحة ز محددة و قابلة للقياس و مكتوبة

و كدا يبقى قسمنا الحلم بتاعنا لاهداف صغيرة فى نهايتها ها اوصل ان شاء الله

بس لازم و احنا بنحلم نبقى عارفين احنا فين و نقدر نعمل ايه بالمتاح لحد ما نوصل

و زى ما قال " أوريزون سويت ماردن"

إن أعظم الأمور التى يمكن للانسان القيام بها فى هذا العالم هو أن يحقق الاستفادة القصوى من الاشياء التى يمنح اياها هذا هو النجاح لا أكثر ولا اقل

و على شان نوصل لازم يبقى عندنا رغبة حقيقة الوصول و انجاز الحلم دا

و بمناسبة الاهداف الصغيرة ها اكمل معاكوا البوست الجاى لانى لازم اخرج بدرى على شان اهرب من زحمة الموصلات
و ما اتاخرش على الشغل

اشفكوا البوست الجاى