اللى زى كوتموتوا فى السوق يموتوا
المحطة الرابعة :- " الاتـــــــــــقان" أمر سحرى
وقفنا فى المحطة اللى فاتت من الخريطة إن لا مفر من المعرفة و أن القاعدة البسيطة لتوسيع معارفنا أننا نقسمها لمعارف عامة اجمعها و اتعرف على موضوعات جديدة فى مجالات مختلفة ، و الجزء الثانى معرفة كل شىء عن مجال عملى
و دا ينقلنا للمحطة الرابعة و هية الاتــــــقان
اى شخص مقبل على عمل ما لازم يتقنة، بمعنى
اى عمل يتطلب مجموعة من المهارات الاساسية لازم الشخص اللى بيعمل فى المجال ده انه يتقن المهارات دى على شان ينجح و يفرق عن زملائة و صدقونى ها يفرق كتير،،، تعالوا ناخد رجل المبيعات على سبيل المثال محتاج مهارات زى ايه؟؟
طبعا بعيدا عن الشكل الكوميدى اللى قدمة الضيف احمد
فان المهارات التى يحتاج اليها من يعمل فى مجال المبيعات
يكون عنده القدره على تحليل السوق الذى يعمل به جيدا
تحديد العملاء المحتملين: و النقطة دى بيشتغلها عليها رجال التسويق و لو حددوها صح بيكونوا رفعوا من نسبة نجاح المنتج بدرجة عالية جدااا
عارف كل شىء عن المنتج اللى بيتعامل فيه
تقديم خدمة مميزة للعملاء بداية من الاتصال و تحديد المواعيد و الالتزام بالمواعيد المحددة و الظهور بمظهر لائق و بناءعلاقة طيبة مع عملائهم
اتقان مهارة عرض الافكار و التواصل مع العملاء
انه يحقق الطلبات المتفق عليها فى مواعيدها و يتابع مع العميل التوصيل و التسليم " خدمة ما بعد البيع" زى ما بنقول
و بكدا يضمن نجاجة فى المجال ده
لكن فى تحذير لازم ناخد بالنا منه: اكتساب المهارات امر لايمكن حدوثة بسرعة " و للاسف ما فيش طريق مختصر لازم نتعب فى اكتساب المهارات دى على شان يبقى علمنا اللى علينا للوصول الى النجاح
و افتكروا ديما " إن المرء الذى يتوصل إلى وسيلة لآنتاج شىء أو القيام بامر ما على نحو أفضل أو اسرع أو أوفر اقتصاديا لهو شخص يحوز مستقبله و فرصة فى قبضة يده" جون بول جيتى
و اشوفوكو البوست الجاى
تعليقات