ذاكرلى >>>>>> شكرا

الامتحانات على الابواب ،، عارفة مش افضل فترة فى السنة لاى حد لا البيت ولا الطالب

بس قربت الامتحانات ولا مفر ولازم نستعد و ان شاء الله تعدى بنجاح

انا مش ه اقول اللى ذاكر ذاكر من زمان و كان المفروض نبدأ بدرى

لكن ها قول نقدر نعمل ايه دلوقتى

مش حل سحرى ما حدش ينكر ان افضل طريقة للمذاكرة اننا نبدأ من اول السنة و نقرأء كل يوم جزء و نلخص اول باول و لما جربت دا- لانى كنت بذاكر ليلة الامتحان بس فى اغلب الاوقات- كانت النتيجة افضل لانى دخلت المتحان من غير ما ابذل مجهود مذاكرة كل المنهج ليلة الامتحان

لكن بما اننا وصلنا للامتحانات و بما انى بقالى كتيييييييييييييييييييييييرررررررررر فى موضوع المذاكرة حبيت اقولوكوا نعمل ايه و ازاى نستعد للفترة دى و افضل طريقة للمذاكرة

القاعدة العامة

ان كل و احد ليه طريقة خاصة بيه بيفهم ويحفظ بيها المعلومة الطريقة اللى تريحك و تناسبك طبقها ،، لكن لو طريقتك مش بتحقق ليك الدرجات اللى بتتمنها يبقى تجرب طرق تانية

للاستعداد المذاكرة محتاج التركيز على

وقت المذاكرة

و دا مقصود بية المدة اللى ها اخصصها للمذاكرة و فترة الراحة و الافضل اننا كل ساعة ناخد 10 دقايق بس مش تتفرجوا على التلفزيون انا جربت الموضوع ده و لما كنت باخد الراحة و اتفرج على التلفزيون كنت بنسى اللى بذاكره لكن لو قمت وقفت فى الهوا شوية 10 دقايق او شرب كوباية شاى مظبوط برجع مركزة وفايقة

المكان اللى ها اذاكر فيه

على قد ما نقد نرتبة بطريقة نوصل بيها للمادة اللى ها نذاكرها بسهولة ما فيش طريقة محدده المهم انك توصل للمادة او الملزمة اللى انت عايزها بسرعة على شان مش نضيع الوقت فى التدوير و لو انى عارفة اننا بنضيع الوقت فى الترتيب هربا من المذاكرة بس افتكورا انه ما فيش وقت

المادة اللى ها اذاكرها

و طبعا اكيد فى مواد كتير مش بنحبها و الافضل انى ابدأ مذاكرة بيها و على شان اكون منظم اعمل حاجتين مهمين

اشوف الاسئلة بتاع المادة دى لو اقدر

و دا ها يكون مفيد فى انى اعرف كل استاذ مادة بيحب بسال فى ايه و الطريقة اللى بيسال بيها

و ها استفيد من طريقة الاسئلة فى الخطوة التانية انى ارتب المعلومات و انا بذكرها بمعنى

المخ على شان يستوعب المعلومة بسرعة لازم نخليها منظمة و احنا بنحفظها

مثلا تخيل لو بتحفظ رقم زى ده

3334445555454777777999898776

صعب لكن لو جزئنا الرقم دا زى ارقام التلفون ها نقدر نحفظة بسهولة (جربوا) و قولولى

الامتحان بيعتمد على اننا تسترجع المعلومة اللى خزنها صح

بيقى على شان نعدى امتحاناتنا بنجاح لازم نخزن المعلومات جو مخنا - بترتيب و بنظام - على شان الاستراجاع و التذكر يكون سهل

و الطرق كتير فى تخزين المعلومات

زى اننا نعمل لعبة لمادة صعبة مش عارفين نحفظها

نعمل كلمة و احدة حروفها الاولى بتمثل تعريف عايز احفضة او مثلا لو عايز احفظ اجزاء جسم الانسان اعمل كلمة واحدة بترتيب الحفظ اللى انا عايز اتبعة

ممكن نستعين بكروت عليها المصطلحات الصعبة اللى المفروض نحفظها و دى برضة طريقة ظريفة- لا كنت بعملها على الرغم من انها بتاخد وقت لكن على ما اخلص كنت بحفظ الكلام- و الطريقة سهلة نكتب المصطله على ناحية و التعريف على الناحية التانية و كل ما يكون عندى و قت اقرا و احفظ و لما احفظ اول مصطلح انقل على التانى و انقل الورقة فى اخر التعريفات و هكذا لحد مااستوعبهم

الخرائط الذهنية Min Maps

و بالنسبة ليه كانت الطريقة الافضل للمذاكرة زى ما قلتلكوا كل و احد و ها يلاقى طريقة بيستوةعب بيها بتختلف عن غيره

الفكرة بتاعتها بسيطة جدااا

انى بحط الموضوع او النقطة الرئيسية اللى عايز الدرسها فى منتصف الرسم او الخريطة و بطلع منها كل النقاط الجانبية على شان فى الاخر يكون عندى الصورة الكاملة عن الموضوع الى بذاكره

و لو بتعرفوا ترسوا تقدروا تعملوا زى الخريطى دى اللى لاقتها على النت و انا بدورعلى مثال- كلام فى سركوا- عقدتنى انا مش بعرف ارسم لكن كنت بلون بالشكل اللى يخلينى احفظ المعلومة

تفضل مشكلة السرحااااااان

مشكلة بتواجهنا كلنا و ليها شوية حلول ظريفة

ممكن اقوم اقف شوية و اعمل اى حركة انشط بيها نفسى و بعدين ارجع للمذاكرة

الحاجة التانية ابدا اقرا بسرعة بس بشرط سرعة و فهم مش اضحك على نفسى و دا مفيد فى زيادة الانتباه تخيلوا لو سايق عربية و بسرعة على شان متاخر كل تركيزك ها يكون على الطريق صح مش ها تتفرج على اى حاجة

نفس الحالة لو بنقرا بسرعة و الصراحة لو ها ناخد بريك كل ساعة 10 دقائق ان شاء الله السرحان ها يقل ان شاء الله

و افتكروا ديما انكوا تراجعوا التكرار بيعلم الشطار على قد كا نقدر فى الوقت الفاضل للامتحان

و اخيرا نحاول ننام كويس قبل الامتحان

و دا على شان يكون عندى الطاقة انى استرجع المعلومة ، ما اخبيش عليكوا ما كنتش بعرف بس الحمد لله كنت بنجح و دا المهم لكن لو نمتوا كوييس ها تركزوا بشكل افضل

و تصبحوا على خير،،، يارب تستفيدوا من اللى قولته ،،، اشو فكوا البوست الجاى