أنا مش قصير اوزعة :) و مش طويل و اهبل

أنا مش قصير اوزعة- أول كلمة خطرت على بالى لما فكرت اقول ايه عن المحطة الخامسة من البحث عن الكنز و اللى بيتكلم فيها براين ترسى عن 


 Attitude     التوجه 


 كا اساس للبحث عن ذاتنا و بالتالى الوصول للكنز


و المقصود بالتوجه- شايف نفسك ازاى


بشوف ان كل انسان ربنا رزقة بمجموعة من المميزات اللى لازم يعرفها كويس
فى المحطة دى فتش جواك عن مميزاتك و  اعرفها  لأن الطريق طويل و هية دى المعين عليه


لما سائلو إيرل نايتناجل المعلق الاذاعى عن رائيه
قال انه بيعتبر 
 Attitude 
اهم كلمة فى القاموس و انه الشىء الخاص بيك اللى الاخرين يقدروا يشوفوه و يحسوه من تعبيراتك و انفعالاتك و يميزوك بيه كأنه توقيعك الخاص بس مش على الاوراق على الناس( الانطابع اللى عايز تسيبه)


و تقديرك لذاتك هو المفتاح الاساسى للنجاح


و كمان الناس ها تبدا فى التفاعل  معاك و تقدرك
و انت كمان لازم تقدرهم


حفز نفسك و قول لها انا مش قصير اوزعة و مش طويل و اهبل


انا اقدر انجح و انا شخص ناجح 


و كنزى ها اوصل باذن الله


مش مصدقنى 


بتقولوا فى سركوا يعنى لما اقول انى ها انجح يبقى خلاص كدا ها انجح


خلينا فى الاول تنفق ان الكلام لوحدة مش كفاية اكيد لازم العمل
لكن برضوا لازم نمرن عقلنا على النجاح و نشيل الافكار الهدامة من جوانا


و دا اسمة اللياقة العقلية


و خلونى استعين بكلمات  و ليام جميس فى الموضوع ده لما قال


 إن  اعظم ثورة قام بها الجيل الذى انتسب اليه   هى اكتشاف أنه عن طريق تغيرك للتوجهات الداخلية لعقلك يمكنك ان تغير الجوانب الخارجية لحياتك
و نقدر نعمل دا
باننا نقوله لنفسنا و نحسة و نعيشة
ونبدا بالحديث عن الجوانب الايجابية فى الاصدقاء و الاشخاص اللى حولينا على شان هما كمان يكون ردوهم بالايجابيات اللى فشخصيتى


فى الاول ها تستغرب شوية ،،، لكن التجربة هية خير برهان على نجاح اننا نقدر ندرب عقلنا على النجاح
و شعارنا من دلوقتى لحد البوست الجاى


انا مش قصير اوزعة و مش طويل و اهبل
 انا اقدر انجح و اقدر احقق حلمى و من غير ياس
اشفكوا البوست الجاى