أنا و أخويا مـــع إبن عمى و الغريب 1

اصدقائى عاملين ايه ،، اولا كل سنة و انتوا طيبين بداية الدراسة الجديدة ربنا يوفقك كل الدارسين ياااارب

ثانيا بعتذر لمصطفى انى اتاخرت فى كتابة البوست كل الفتر اللى فاتت من رمضان

ثالثا ندخل فى الموضوع على طول،، قبل رمضان سالنى مصطفى عن فريق العمل و ازاى نكون فريق عمل 

و الحقيقة دا سؤال مهم لاننا فى وقت ما ينفعش نشتغل لوحدنا بالعكس لو كنا عايزين ننجز و نحقق نجاح لازم نشتغل بمبدأ الفريق و أكبر مثال على كدا اليابانين اللى قدروا عن طريق العمل  بفرق  تحقيق اللى وصلت ليه  النهاردة  بعد هيروشيما 

بس فى البداية لازم نعرف  يعنى ايه فريق عمل

فريق العمل ببساطة : هو مجموعة  من الافراد لها مهارات مختلفة   تتكا مل بعضها  و تعمل على  تحقق هدف مشترك
بيعجبنى قوى تسمية فريق العمل ب 
Task Force 
بمعنى القوة المنفذه لمهمة ما
يعنى عندنا مهمة 
و عندنا الفريق المنفذ ليها ( و بيتمتع بالمهارات التى تحتاج اليها المهة لتنفذ) و من التعريف 
نقدر نستنتج انه على شان يكون الفريق فعال لازم مهاراته تكون بتكمل بعض  (زى فريق الكورة) محتاج للمهاجم و المدافع و حارس المرمى و   دا بياخدنا للادوار اللى بيلعبها كل فرد داخل الفريق و أولها 
قائد للفريق
و من افراد الفريق القائد هو فرد بيتمتع
بمجموعة  من المهارات و هى 
 القدرة على  قيادة الفريق  
و القدرة على المحافظة على روح الفريق
و من أهم صفاته انه يكون مستمع من الدرجة الاولى 
 و اتخاذ القرار
 خصوصا فى الوقت اللى  ممكن يكون فى خلاف فى الاراء 
 ،عارفين ليه؟؟ 
لانه فى بداية تكون أى فريق و على ما أعضاء الفريق  يتعودوا على بعض و الأدوار تكون واضحة و المهام المطلوبة من كل فرد فى الفريق بيكون فى شوية خلافات وعدم تجانس


على شان كدا بقول لازم تصبروا لحد ما الفريق يكون متوحد و أهم حاجة يكون فى تفاهم و حب بينكوا و بين بعض و بيتحقق ده بتنمية  روح التفاهم و مهارة الاستماع للاخرين  و اننا لما نوجه نقد لا نوجه لشخص 


و أهم حاجة ما يغبش عن  عينا لحظة الهدف اللى عايزين نوصله  و إن لو مهاراتنا و افكارنا  اتجمعت ها نقدر نوصل لاهدافنا
  زى الولد فى الفديو ما كانش ها يشرب لا هو ولا العصفورة  إلا لو تعاونوا مع بعض
صح
اشفكوا البوست الجاى اكمل معاكوا الأدوار داخل كل فريق
سلام 
فاطمة