و جلس يفكر و يفكر

فى البداية احب اهنيكوا باجازة نص السنة 
و ثاينا باعتذر على الفترة اللى اتاخرت فيها من غير كتابة موضوعات جديدة بس ان شاء الله ما اتاخرش تانى
لكن و بمناسبة اجازة نص السنة جه على بالى موضوع مهم 

التخطيــــــــيط

ديما بنسمع اننا لازم نخطط لحياتنا و كتير بنحس ان الكلام ده نظرى  و ان اللى بينصحونا بكدا مش حاسين بينا

و من ناحية تانية كل اللى بيتكلم عن التخطيط من اول التخطيط للحياة و للمذاكرة و المهنة اللى كل و احد عايز يشتغلها و انك لازم تستعد و قد ايه دا مهم - و على فكرة دا مش كلام نظرى

لكن كانت المشكلة ازاى اتكلم عن اهميتة بشكل عملى 
ما لاقتش افضل من اجازة نص السنة

عارفة ... عارفة ها تقولولى ايه

احنا لسة خارجين من امتحانات ومش عايزين نفكر اصلا كمان انتى عايزة اننا نخطط

الحقيقة لا مش عايزاكوا تخططوا

انا ببساطة عايزاكوا تحسوا اهمية التخطيط

كل و احد ياخد نفس عميق و 5 دقائق مش اكتر 

و فكر فى كل الاجازات اللى عدت عليك قبل كدا و قضيتها ازاى 
و نمت فيها قد ايه و خرجت فيها قد ايه 
و يا ترى لما لاقيت الاجازة على وشك انها تخلص حسيت انك عملت كل اللى انت عايزة؟؟

اللى ها يجاوب اه دا هايل جداا ممكن يروح يستمتع بالاجازة لكن لو الاجاية طلعت ب لالالالالالالالالا ما خلصتش و ما لحقتش اصلا اخلص حاجة 

يبقى تستنى معايا
و تفتكر مرة و احدة كنت مرتب فيها لخروجة لفسحة او لطريقة مذاكرة
و كمية اللى قدرت تنجزه 

الترتيب دا ما هو الا تخطيط

 
و عن طريقه نقدر ننجز كتير فى وقت محدد
يعنى ممكن استمتع باجازة محصلتش اخرج وانام و اى حاجة تانية انت عايزها بس لو خططت 

بدل ما تلاقى الاجازة خلصت من غير ما تعمل اللى نفسك فيه

تخيلوا معايا ان مجرد التخطيط للاجازة يخلينا نستمتع بيها و نعمل فيها حاجات اكتر بدل الاجازات اللى بنقعد نفكر نعمل ايه و فى الاخر بنلاقى ان اغلبها راح فى النوم و حتى ما لحقناش ناخد منها الراحة اللى عايزنها

و نبقى جلس يفكر ويفكر ثم راح فى نوم عمييييييييييييق 

فما بال لو خططنا لحياتنا ؟؟؟

ها اسيبكوا تستمتعوا بالاجازة مش ها اعطلكوا اكتر من كدا

كل سنة و انتوا طيبين
فاطمة