السيرة الذاتية : 2
CV and cover letter tips :
شوية نصايح كدا على السريع بعد فترة الغياب لاقتها على موقع عن السيرة الذاتية قلت اترجمها
يارب تكون مفيدة
قبل كتابة السيرة الذاتية فكر انك محتاج تتميز نفسك وسط الكثير من المتقديمن للوظيفة لان بالدرجة الاولى " وظيفة السيرة الذاتية انها توصلك لمرحلة المقابلة الشخصية" افتكروا دا كويس
و افتكروا كمان ان :
- كتابة السيرة الذاتية الجيدة بيبدأ بالبحث عن الوظيفة اولا ما تلاقى الوظيفة المرغوبة ركز جداا فى Job description و اكتب الخبرات المتعلقة بالوظيفة اللى ها تتقدم ليها
- اذكر الخبرة السابقة ليك فى صورة نقاط محددة " كانجازات" مثال لو فى مجال المبيعات قول المقدرا اللى زادت بيه المبيعات فى الشركة بعد انضمامك للشركة ودا بيكون افضل من ذكر فقط مهام الوظيفة اللى انت كنت بتشتغلها
- يفضل كتابة ملخص فى بداية السيرة الذاتية للعملك السابق و خبراتك أوضع الهدف فى بداية السيرة الذاتية
- اذا كنت ها ترفع السى فى على النت فى اى من مواقع التوظيف راعى انها تحتوى على الكلمات اللى ممكن تساعدك انها تظهر فى البحث و تاكد انها مختارة من job description
- فيما يخص cover letter
- بفضل انه يتضمن موجز لاهم مهاراتك و خبراتك
- حاول تركز فيه على الدور اللى تقدر تقوم بيه لتطوير العمل مش كفاية انك تكون سعيد و متحمس للانضمام للعمل فى الشركة و كمان قول انت متوقع ايه من العمل فى الشركة
فى ملحوظة اخيرة فى المقال :
و هى انك ترسل خطاب شكر للشخص اللى عمل معاك المقابلة الشخصية و دا بيظهر اهتمامك و تقدير للعمل للشخص اللى قام بالمقابلة و على شان تاكد على حماسك للوظيفة و دا اما عن طريق الميل او خطاب المتاح و فرصة يكون معاك الاميل :)
و بالتوفيق ياااااااااا رب للجميع
اشفكوا البوسط الجاى
فاطمة
تعليقات
بس علي فكره الوظائف بتبقي متظبطه لناس معينه,بس اكيد بعد الثوره الوضع هيختلف
طبيعى ان كل وظيفة لازم يكون لهيا توصيف
لكن
خلينى اقولك ان الواسطة ممكن تجيب شغل لكن ما تقدرش تخليلك تسمتر فى الشغل لو انت مش كويس فيه وله ايه؟؟؟