عندى مقابلة 1
اخيرا جاتلى المقابلة
و يوم المقابلة يقبل المرء أو ... يدور على وظيفة من تانى ما حدش يفهمنى غلط
بنقعد ندور كتير على شغل و نظبط السيرة الذاتية و نحلم باليوم بتاع المقابلة و أول ما تيجى يتحول الانتظار الى قلق
طبيعى جدااا اننا نقلق
لكن احينا القلق بكون أحد اسباب اللى بتاثر على شكلنا فى المقابلة الشخصية على شان كدا ها اكلمكوا النهاردة على اول نقطتين خاصين بالانترفيو- المقابلة الشخصية- و هما
كيف نتغلب على القلق
و اشهر اسئلة
فى الانترفيو
فى الانترفيو أولا: كيف نتغلب على القلق
اول خطوة الاعـــــداد
جهز نفسك بالمظهر الملائم للوظيفة
ذاكر و دور على كل المعلومات الممكنة عن الشركة اللى انت ها تعمل فيها المقابلة و لو قدرت تسال حد - اذا كان ليك صديق- فى
الشركة عن المرتبات هناك و دا طبعا على شان تستعد لسؤال المرتب
تدرب على شكل الانترفيو و حاول تتوقع الاسئلة اللى ممكن تتسالها
ودا بيجبنا للنقطة الثانية : أشهر الاسئلة فى الانتر فيو
فى البداية احب اقول أن اى سؤال فى المقابلة الشخصية بيكون ليه هدف
حاول تعرف هدف السؤال على شان تجاوب الاجابة الصحيحة
طب ايه اشهر الاسئلة
كلمنى عن نفسك ؟
حاول لما تجاوب تقول انت مين ( شهادتك - مهاراتك) و كمان تقول انت ليه مؤهل للوظيفة
ما هى نقاط ضعفك؟
لما تتسال السؤال ده قول نقطة ضعف حقيقة و انت بتشتغل عليها - لا تكذب
مثال ممكن تقول : عندى مشكلة فى التخطيط أو ادراة الوقت
و تتنقل للخطواط العملية اللى اخدتها لعلاج المشكلة
من اول انك بتذاكر او بتدرس ازاى تدير وقتك لحد انك اشتريت اى اداة تساعدك على تنظيم وقتك
لماذا اختارك - اعينك - فى هذه الوظيفة؟
ببساطة الهدف انى اعرف الميزة اللى عندك و تخلينى اختارك و انا متاكدة انك تقدر تضيف للوظيفة
افتكر ديما ان فى ناس تانية متقدمة للوظيفة ، السؤال ايه اللى بيميزك
ما هى خبراتك السابقة؟
ركز على الخبرات اللى ليها علاقة مباشرة بالوظيفة
و فى الاول و الاخر خلى عندك ثقة بنفسك وربنا يوفقنا جميعنا
اشفكوا البوست الجاى
_________________
فاطمة
12/7/2011
تعليقات