أنا العفريت

- أنا العفريت ،، شبيك لبيك عبدك بين ايديك 

- اممم ايه العفريت طب انا عايز شقة و عربية و فلوس كتيرررررررررر و ...

- استنى استنى انت ليك عندى ٣ طلبات بس 

- بس ؟!! لالالا مش كفاية 

بقولوكوا ايه لسة مستنى العفريت؟!

حد لسة مستنى الحل السحرى اللى ها يحل كل مشاكلنا؟!

طب ايه رايئكوا اللى يقول ليكم فين العفريت....

هاااااااا مركزين وله اخليها للبوست الجاى ؟!!

خلاص ... خلاص حاضر ها اقول 

يااااااااااه كل دول بيدورا على العفريت 

الحقيقة يا جماعة العفريت جو كل و احد مننا ... اه جواك انت و انتى و جو  كل و احد مننا 

الفكرة مش انك تلاقى العفريت الفكرة انك تطلعوا 

ببساطة :

لازم تعرف ان احلامك ماحدش ها يحققها غيرك - لانها احلامك انت 

لازم تعرف انك مميز و عندك مميزات مش عند غيرك اكيد ها يساعدك توصل لاحلامك

ما تصدقش انى فى سقف للاحلام احلم زى ما أنت عايز .. لكن لازم تعرف انت مكانك فين دلوقتى و فين الطريق اللى يوصل لــــــ أحلامك

السقف اللى لازم نعديه هو سقف اهدافنا اللى لازم نوصلها على شان مجموع الاهداف دى ببساطة حلمنا  الكبير 

ها نخططت ليها ازاى 

امم دا موضوع كبير ها اكمل معاكوا فى البوستات الجاية 

دلوقتى اسيبكوا على شان انا كمان عندى حلم عايزة احققة 

و افتكروا المقولة دى "إحرص على أن تعرف نفسـك فتلك مهمه شــاقه لا تعدلها مشـقه أى مهمة أخرى فى الـحـيـاة"Miguel Cervantes

فــــــــاطمة